Cyfleoedd hyfforddi sydd ar gael hefo Gwenynwyr Môn
Cyflwyniad: Mae Gwenynwyr Môn yn frwd iawn dros hyfforddi gwenynwyr amhrofiadol. Mi yda ni’n ffodus o gael aelodau sydd yn wybodus iawn a sydd a phrofiad o hyfforddi gwenynwyr ar draws Cymru. Yr ydym yn cynnig hyfforddiant i wenynwyr newydd ac yn rhoi anogaeth ac arweiniad dros y ddwy dymor gwenyna cyntaf. Nid yn unig yr ydym yn cynnig y wybodaeth angenrheidiol sydd ei angen ond byddwn hefyd yn rhoi nifer o gyflaeodd ymarferol i fynd drwy’r cychod yn ein gwenynfa penodol ar gyfer hyfforddi. Bydd pob gwenynwr newydd yn cael ei gyflwyno i fentor profiadol fydd yn gallu rhoi cefnogaeth wrth ymyl y gwch a gwybodaeth dros y ffôn pan fydd cyngor ei angen. Mae’r cynllun hyfforddi llawn yn rhedeg dros ddwy dymor gwenyna ac yn cynnwys cwrs dechreuwyr a chwrs gwellhäwyr. I rywun sydd heb gael profiad o fod mewn gwenynfa, rydym yn cynnig sesiwn brofi am ddim i’r rhai sydd yn ystyried ymuno a’n cwrs. Hyd nes eich bod wedi cael y profiad o wisgo siwt gwenyn a chael nifer fawr o wenyn yn hedfan o amgylch eich pen mae’n anodd iawn rhagweld os yw cadw gwenyn am fod yn addas i chi neu beidio.
Gadewch i ni helpu chi benderfynu.
Mae’r gwenyn yn segur dros y gaeaf ac yn dechrau prysuro yn y gwanwyn. Er mwyn sicrhau fod gwenynwyr newydd yn cael ymarfer yr hyn y maent wedi dysgu tra ei fod dal yn ffres yn eu côf, mae’r tymor hyfforddi yn dechrau ym mis Chwefror. Mae sesiynau dosbarth ar gyfer theori yn mis Mawrth. Dilynir hyn gan sesiynau yn y wenynfa efo’r cychod gwenyn o ddiwedd Ebrill hyd at fis Medi. Mae’r sesiynau, fel y gwenyn ei hunain yn ddibynnol ar y tywydd.
Sesiwn Flasu: Yr ydym yn deall bod llawer yn gallu teimlo yn bryderus am fod yn yr wenynfa, yn edrych i fewn i’r cychod hefo gwenyn yn hedfan o’i hamgylch. Felly, gwahoddir y rhai sydd a diddordeb i wario ychydig o oriau yn edrych trwy cwch gwenyn hefo gwenynwr profiadol. Mae Gwenynwyr Môn yn darparu siwt wenyna a menyg ar gyfer diogelwch. Yn ystod y sesiwn gellir gweld y rhannau amrywiol o gwch gwenyn, y celfi arbennigol ynghyd a’r mygwr. Gwahoddir i chi hefyd arsylwi ar ardaloedd gwahanol o’r cwch sydd yn cynnwys cyfnodau gwahanol ym mywyd y gwenyn. Mág (wyau, epil, a celloedd wedi ei capio,) gwenyn nyrsio, gwenyn gwarchodol, gwenyn fforio, a gobeithio y frenhines! Gellir hefyd gweld beth mae’r gwenyn yn ei fwyta; mȇl, neithdar a phaill. Bydd hefyd gyfle i gael gafael mewn ffram o fág a ffram o fȇl. Fel arfer bydd y sesiynau yma yn cael ei cynnal yng ngwenynfa Gwenynwyr Môn ym mis Medi.
Os oes ganddoch ddiddordeb cysylltwch: abkatraining@gmail.com
Cwrs y Dechreuwyr: Mae cwrs y dechreuwyr yn £70 i unigolyn neu £80 i gwpwl. Dyma rhan gyntaf o’r rhaglen hyfforddi ar gyfer gwenynwyr newydd. Mae wedi ei ddylunio i fod yn ymarferol iawn, hefo’r mwyafrif o’r amser yn cael ei gynnal yn trin y gwenyn yng ngwenynfa hyfforddi y gymdeithas. Bydd gwenynwyr newydd yn cael y cyfle hefyd i brynu cnewyllyn “nuc” o wenyn lleol, am bris gostyngedig.
Bydd pob gwenynwr newydd yn cael ei paru hefo mentor profiadol i roi cyngor ac arweiniad dros y tymor. Bydd hyn yn galluogi y gwenynwr i drin gwenyn ei hunan yn gyfforddus ac i baratoi eu cwch yn barod ar gyfer y gaeaf.
Amcan y cwrs yw:
Arsylwi cylch bywyd, anghenion ac ymddygiad y gwenyn mêl a sut mae’r wybodaeth yma yn cael ei ddefnyddio i reoli cwch gwenyn er mwyn ei cadw yn iach ac i ddarparu cnwd o fêl a cwyr.
Trafod offer gwenyna a beth sydd ei angen i ddechrau cadw gwenyn a sut i adeiladu cwch a fframiau.
Deall blwyddyn y gwenynwr.
Rhoi cyfleodd ymarferol o archwilio a thrin cychod gwenyn trwy gydol y tymor (Ebrill hyd at mis Medi).
Deall yr amrywiaeth o gyflyrau arferol a welir o fewn cwch gwenyn.
Cael ymwybyddiaeth sylfaenol o broblemau y gwyneba cytref o wenyn.
Magu y sgiliau sylfaenol angenrheidiol sydd ei angen i drin gwenyn trwy gydol y flwyddyn.
Os oes ganddoch ddiddordeb cysylltwch: abkatraining@gmail.com
Cwrs y Gwellhäwyr: Mae cwrs y gwellhäwyr yn £70 yr un a £80 i gwpwl. (Gostyngir hyn i £50 a £60 i wenynwyr sydd wedi bod ar gwrs dechreuwyr Gwenywnyr Môn.) Dyma’r ail flwyddyn a’r flwyddyn derfynol a ddarparir o hyffordddiant gan Gwenynwyr Mon.
Amcanion y cwrs yw:
Arsylwi ac adnabod anghenion rheoli cytref maint llawn o wenyn.
Arsylwi pwysigrwydd archwiliadau yn ystod y gwanwyn i asesu iechyd ac anghenion cytref sydd ar gynydd
Adnabod afiechydon a phlâu sydd yn effeithio cytrefi gwenyn.
Deall rheoli crwybrau er mwyn iechyd y gytref, maethu mág a storio mêl.
Dysgu sut i reoli heidiau o wenyn.
Deall sut i rheoli cytref sydd yn barod i heidio (neu sydd wedi heidio yn barod!).
Dysgu amryw o ffyrdd o wneud cynydd o gytref gwenyn.
Cael arddangosiad ymarferol o bob agwedd o reoli cytrefi gwenyn.
Fel cwrs y dechreuwyr, cynhelir y mwyafrif or amser yn y wenynfa hyfforddi yn gweithredu y systemau rheoli amrywiol. Fel arfer mae tri sesiwn yn y wenynfa yn dibynu ar ddatblygiad y cytrefi, Mae’r gwellhäwyr hefyd yn ymwneud ar broses o greu cytrefi cnewyllyn “nuc” ar gyfer y dechreuwyr sydd yn creu cysylltiad cryf a’r ddau gwrs.
Os oes ganddoch ddiddordeb cysylltwch: abkatraining@gmail.com